| Autore |
Discussione |
|
nonno Elio
Utente Bubez
Regione: Estero
Cittą: Melbourne
123 Messaggi |
 Inserito il - 03/09/2006 : 07:55:44
|
Caro Nevio, riguardo el footbal Australian, no me ga mai piaso perche' se riscontra sempre atti de violenza fra i giogadori. E quando xe de mezzo sta roba, no la considero un sport.Comunque sembra che e l rugbye anche el giogo de balon come intendemo noi el xe in aumento,i Australiani i va mati per el sport, ma mi gavevo altre attivita' e la famiglia che dovevo pensar.Cambiando argomento:
Desidero farve a tutti voi forumisti una domanda.
Se voi ve trovereste a guidar la macchina nelle zone deserte per centinaia de Km dove vede' solo una scarsa vegetazion intorno de voi, come nell`interno dell`Australia,e anche in Africa, dove la temperatura xe assai alta 40-45 gr C immagineve sotto el sol quanto alta la xe. Richiedi acqua, perche' se bevi assai fin 4 litri al giorno. Certo in partenza se gave' procurado acqua come una scorta sufficente de attrezzi e parti de ricambio. Con le alte temperature bisogna andar con andatura moderata perche altrimenti el motor se surriscalda e l`acqua del radiator la boi. Come ve la cavereste per trovar acqua, se nel caso se obbligadi a fermarve? Voio veder che precauzioni ve sareste ciolte per questo bisogno, e come tovar acqua. No xe una domanda stupida perche' forsi un giorno queste informazioni ve sara' forsi utili. A voi la risposta.Vedemo se ghe la fe a trovar una soluzion. Ve ringrazio e ve saludo.
SENTENZE
The doorstep of the temple of wisdom is a knowledge of our own ignorance C.Spurgeon
(el scalin della porta del tempio della sapienza xe la conosenza della nostra propia ignoranza.)
La felicita' non dipende tanto dalle circostanze esteriori, quanto alle nostre attitudini interiori.
Non vi sono situazioni disperate. Vi sono solo degli uomini che si disperano, e che, disgraziatamente, non sperano in Dio. |
Nonno Elio |
 |
|
|
Blaghers
Utente "BLAGHERS"
Regione: F., Venezia Giulia
Prov.: Alten Provinz
Cittą: Tergeste
2510 Messaggi |
Inserito il - 04/09/2006 : 08:32:47
|
Allora, premetto che mi de solito quando vado a far qualche bel giro con l auto o vado al campeggio go sempre in baul del mio fido fuoristrada un bel serbaotio de 30 litri de acqua con pompa eletrica con doccia (ahhahaha ) e in pił a seconda dove vado porto una tanica de riserva de 25 per impinir el serbatoio. Comunque go el fuoristrada grando e me posso permetter de portar robe in pił.
Comunque se me trovasi nel deserto e vedesi comunque vegetazion poderia far un bel buso in tera lo riemperia de rami (con le foie) al centro meteria un bel secio de acqua e poi ricopriria el tuto con un nylon, una bela piera al centro esattemente sula verticale del secio e poi speteria infati con el caldo le piante trasuderia acqua, vapor acqueo el quale andaria a condensarse sul nylon e poi pian pian le goce de acqua che se ga formado le andaria verso el centro per cascar poi nel secio. Certo xe un metodo lento ma prima o poi gaveria acqua.
|
Se pensi di aver visto tutto nella vita e non sei mai salito su un Land, allora ne hai visto solo la metą !! |
|
|
|
lele
Utente Pomigador
Regione: F., Venezia Giulia
Prov.: Italia
Cittą: trieste
1156 Messaggi |
Inserito il - 04/09/2006 : 13:26:40
|
| Be cmq. mi me portassi diro anche quelle pillole per purificar l'acqua che te trovi, magari in qualche pozza... meio che completar la collezion de malattie!!!!!! |
Lele |
|
|
|
Blaghers
Utente "BLAGHERS"
Regione: F., Venezia Giulia
Prov.: Alten Provinz
Cittą: Tergeste
2510 Messaggi |
Inserito il - 04/09/2006 : 13:35:27
|
Caro lele, ma se non te ga acqua cos te fa dele pirole ????? Impachi sula lingua ????? 
Comunque pił che pirole te se porti drio un poca de amuchina, mi la go usada spesso e te posso assicurar che go bevudo acqua bastanza impestade e no me xe mai suceso niente, perfin el iazo in egito no me ga fato niente mentre i miei amici dopo aver bevudo in bareto una bevanda locale con iazo el giorno dopo i lo ga pasado sul WC |
Se pensi di aver visto tutto nella vita e non sei mai salito su un Land, allora ne hai visto solo la metą !! |
|
|
|
nonno Elio
Utente Bubez
Regione: Estero
Cittą: Melbourne
123 Messaggi |
Inserito il - 04/09/2006 : 14:22:19
|
Caro Lele. Con temperature alte, xe assai raro che te trovi delle pozze de acqua nelle zone deserte. La risposta giusta la ga dada Blagher. Infatti persone che se ga trovado in quelle situazioni i ga adottado el sistema de impinir un buso con delle foie de alberi o de piante, specialmente se ghe xe piante grasse che xe ricche de acqua. Pero' xe un`altro sistema piu' facile e che ghe da risultati migliori. Se tratta de portarse drio dei sacchi de plastica abbastanza grandi. Dove che xe alberetti o cespugli, se tratta de metter dentro nei sacchi dei rami dei alberetti con le foie senza staccarli, cusi' anche dai cespugli. Gaver con se una dozzina de sacchi che non i fa volume, i diventa una manna, perche' in poche ore
sul fondo dei sacchi trovere' abbastanza acqua limpida che pode'
utilizzar.Per purificar e chiarificar l`acqua fangosa che in certi posti se trova, basta usar una presa de sal Inglese che el fa precipitar le sostanze sospese nell`acqua (non nel deserto pero).
Una delle regole generali che bisogna osservar, xe no allontanarse dalla macchina. Tanti i xe morti appunto per gaver abbandonado el veicolo per andar in zerca de aiuti.Altra roba avvertir sempre delle persone prima de metterse in viaggio e la data aprossimativa dell'arrivo. Perche in caso de problemi, i averti la polizia e vien fatte le ricerche.Ricordeve che senza magnar se pol star per un per de giorni, ma senza bever no con quel caldo atroce.
Oh! A proposito de una notizia recentissima diramada dalla TV. e dai giornai in tutta l`Australia. a circa 25 Km da dove vivo mi xe un piccolo giardin Zoologco privato. El propietario se ciamava Steve Irvin, el xe andado vizin de Cairn nel Nord Qld. Dove i doveva girar un film documentario in mar. Lui el iera el protagonista el xe sta colpido del pungiglion de un "Stingray" xe un pese piatto che el se posa sul fondo alle volte se vedi solo i oci. Quando qualche d`un ghe monta de sora el pese alza la coda e la punta che tra l`altro la porta velen e la xe come un rasoio colpisi come i scarpioni. Lo ga colpido nel petto trapassandolo, el xe morto de colpo. El ga lasado
Immagine:
99,88 KBla moglie e due fioi una putela de 8 anni e un picio de 3 anni.El iera assai conosudo. El gaveva za girado due film. "The Crocodille hunter" (el cacciator de coccodrilli) e "A collision course" (El corso de collision) el gaveva 44 anni.
Allego una foto del stingray |
Nonno Elio |
|
|
|
Blaghers
Utente "BLAGHERS"
Regione: F., Venezia Giulia
Prov.: Alten Provinz
Cittą: Tergeste
2510 Messaggi |
Inserito il - 04/09/2006 : 14:32:27
|
Caro nonno Elio vista la mia giusta risposta go vinto qualche cosa ???????
Che fine che ga fato quel , sponto da una razza !!!
Noi qua a Trieste prima del castel de miramar gavemo i scoi per andar in acqua ma el fondo xe fato de sabia, te tochi con i pie e quindi xe ideal in estate mentre che te fa el toch (el bagno) far una partidina de pallavolo, insoma zogar con la bala e no xe stai pochi quei che i xe stadi sponti dal pese ragno, un pese con el pungilion che sta nei fondai sabbiosi, ma no xe tanto pericoloso nel senso che no te mori con una sua puntura !!!! Al massimo te se gonfia el pie te brusa, te va in ospedal dove i te fa una sponta e poi te torni come novo, disemo che xe come una puntura de un ape !!Niente de pił, no go mai sentido nisun morir per el pese ragno |
Se pensi di aver visto tutto nella vita e non sei mai salito su un Land, allora ne hai visto solo la metą !! |
|
|
|
nevio
Utente Nagana
Regione: Friuli-Venezia Giulia
Prov.: Trieste
Cittą: trieste
897 Messaggi |
Inserito il - 05/09/2006 : 09:06:29
|
| ghe tegno risponder anche mi ala domanda de sopravivenza fata da nono elio, premesso che la risposta fata da blaghers no me la gavessi gnanche sognada perche' no savevo, comunque, se xe piante xe anche acqua " penso",mi go visto apunto che certi africani i scavava nel punto steso dove se trova una pianta cavar fora la radise ,co un coltel taiar tipo fetine de sta radise e dopo strucar ste fetine con le man,dopodiche' l'acqua fuoriusciva, penso che no bisogna gnanche dimenticarse el sal, no per cusinar la pasta...,ma perche' go savudo che nel deserto xe utile per l'equilibrio del nostro corpo,ciao a tuti cari blaghers ,nono elio e lele. |
chi pensa poco sbaglia tanto (leonardo da vinci) |
|
|
|
nonno Elio
Utente Bubez
Regione: Estero
Cittą: Melbourne
123 Messaggi |
Inserito il - 05/09/2006 : 10:38:29
|
Bravo Nevio
Me fa sempre piazer de legger dalle risposte el vostro interesse nei vari argomenti che modestamente go presentado, e anche per far conoser ai altri utenti i posti dove vivi ogniun de voi. Xe cognizioni utili, che i merita un plauso e che certe informazioni che i vari utenti i leggi, i pol esser applicadi in caso de bisogno.
Certo come te scrivi che in Africa, i negri i tira fora delle radise
delle piante,e taiandole fine i ghe cava l`acqua. Ma xe un lavor
che richiedi fadiga, e sotto el sol che brusa xe de esaurirse le riserve de fluido. Certo che portar delle pastiglie de sal xe essenzial. Ma credo che se dovesi scieglier el metodo miglior, saria de applicar i sacchi de plastica. Anzi se gave' occasion e gave' qualche pianta in casa, ve consiglio de far una prova e podere' veder i risultati.Pero'dove'dimostrar pazienza. Spero de ricever altre informazioni da parte dei altri forumisti, questo xe el scopo che esisti un forum, una reciproca collaborazion per renderlo vivo e attivo. Notizie utili e sane che stimoli l`interesse general. Dovemo ringraziar Cayo-Effe el moderator de sto forum che el ne ga averto questa attivita' che oltre a conoserse, se sviluppa una vera amicizia
fra de noi. Forsi qualche forumista vol far delle domande, ma el xe tanto timido de farse avanti. Qua' esisti el rispetto reciproco per tutti, giovini e veci, no xe motivo de gaver paura. Mi personalmente ve voio ben a tutti voi, perche so de esser contracambiado. Ve saludo e ve ringrzio.
SENTENZA:
"One beam alone; no matter how stout, cannot support a house."
{Un pilastro solo; non importa quanto robusto possa esser, non puo' sostenere la casa.")
Riches adorn the dwelling; Virtue adorn ther person.
(Il ricco adorna l`abitazione; La virtu' adorna la persona)
Prov. Cinesi |
Nonno Elio |
|
|
|
nevio
Utente Nagana
Regione: Friuli-Venezia Giulia
Prov.: Trieste
Cittą: trieste
897 Messaggi |
Inserito il - 06/09/2006 : 08:11:13
|
| ciao de la france, alora nono elio volessi farte un par de domande: riguardo el costo dela vita in australia, quanto xe una paga media,el stato australian aiuta el citadin?con sovenzioni o susidi per la famiglia o se un vol verzer una ativita', infine, una casa quanto pol costar in media? xe per saver cussi riguardo qua' in francia e anche in italia che so come che se vivi, grazie ciao nevio. |
chi pensa poco sbaglia tanto (leonardo da vinci) |
|
|
|
Blaghers
Utente "BLAGHERS"
Regione: F., Venezia Giulia
Prov.: Alten Provinz
Cittą: Tergeste
2510 Messaggi |
Inserito il - 06/09/2006 : 19:40:36
|
Caro nonno Elio, go zercado per ben tra i meandri del mio PC e go trovado questa foto interessante che go fato quando son stado in Sudan, sembreria che sia la stesa bestia el Stingray, che te ne ga parlado ti qualche post piś in alto
Immagine:
76,93 KB
Questa la go fata presso Shaab Rumi o qualche cosa del genere, dove nei lontani anni 60 mentre el mondo iera in preda alle rivoluzioni el bon Costeau con la Calipso se gaveva ancorado in questo “Reef e i gaveva dado el via al "Progetto Preontinente 2" tanto xe vero che nei pressi alla modica profonditį de 15 metri xe rimasti i moduli subacquei dove per la prima volta l'omo ga provado a viver soto acqua infati xe rimasti l'hangar per el DPV con deposito atrezi e un modulo circolare dove i viveva.
Immagine:
32,44 KB
Immagine:
55,99 KB
Nela prima foto ghe xe el mio amico e compagno de ventura con drio el modulo circolare e la praticamente i abitava dentro nella seconda inveze son mi e quel che resta del deposito atrezzi.
Fazo presente che comunque iera stado anche impiantado un modulo pił grande che podeva star dentro 5 omini a forma de stella ma questo se non sbaglio i lo gaveva pordado via. Nei pressi poi xe possibile ancor a veder le vecie gabie antisqualo tute fracasade sul fondo. |
Se pensi di aver visto tutto nella vita e non sei mai salito su un Land, allora ne hai visto solo la metą !! |
|
|
|
nonno Elio
Utente Bubez
Regione: Estero
Cittą: Melbourne
123 Messaggi |
Inserito il - 07/09/2006 : 10:34:11
|
Cari Nevio e Blagher, Rispodo per primo a Nevio Che vol saver alcune informazioni riguardo la vita e i costi in Australia. Dunque la paga media de un operaio qualificado come ad es. Carpentier,murador, o un idraulico in una statistica che i ga dado ieri alla TV. i guadagna 90 mila Dollari Aust. all`anno. Anche i coghi i guadagna assai ben e i xe richiesti. Riguardo le sovenzioni ai cittadini; el governo provvedi sia in caso de malattia, come pur quanto riguarda la pension. Infatti mi son pensionado, e ricevo agevolazioni nelle visite normali ai dottori che no pago; e sulle medicine, pago una cuota minima o se xe de pagar qualche cosa in piu'. Se xe delle visite a dei specialisti, me vien rinborsado piu' de due terzi.Anche el ricovero in ospedal e operazioni se ga grandi agevolazioni. Per esempio, son sta operado de catatatte in un ospedal specializzado a Melbourne. Non go pagado un centesimo. Anche el telefono, go una riduzion, e posso far un viaggio quasi, gratuito sui treni una volta all`anno nel stato dove se vivi. In questo caso nel Qld.Riguardo alle famiglie, el governo paga dei assegni famigliari per ogni fio che nasi, e el da assistenza
Per metter su un`attivita' non me risulta. Ma dipendi del tipo de attivita', se forsi el Governo Federal xe interessado, pol darse che ghe sia qualche agevolazion, ma xe una roba speciale, quindi al de fora della mia conosenza.
Abitazioni: Questa xe una domanda un poco critica. Saria come che te domandasi,(dato che te xe cogo) quanto costa una zena. Dipendi del tipo de ristorante e le pietanze xe vero? Altrettanto con le case. Se te vivi in qualche citta', el costo varia secondo la zona e le facilita' che te pol gaver. Fazendo un stima un poco elastica. Una casa de mattoni, con tre stanze, sala de soggiorno,cusina, bagno, lisciaia e garage ecc.; pol costar circa 350.000 Dollari Aust. su un teren de 70X90 metri.Qua No xe come a Trieste come che me ricordo nei mii tempi de oltre 50 anni fa, che iera raro trovar in una casa che fossi stado installado el bagno. Qua anche la casa piu' misera, no devi mancar el bagno,e el telefono. Tante case ga due bagni. Mi per esempio go due bagni, e due gabinetti separadi, e doppio garage.
Pero' vivo in un villaggio a 11 km dal mar.Ma go tutte le facilita' che me occori, come botteghe, dottori e una farmacia, a due minuti de macchina. Spero con questo de gavere accontentado.
Adesso passo a risponder al caro Blagher. Le foto che te ga inserido le xe assai interessanti, infatti la foto del pese el xe propio quel. Anzi siccome son troppi anni via de Trieste, me gavevo dimenticado el nome della raza. Nell`intervista alla TV che i ga fatto al direttor del Zoo, el ga contado che Steve Irvin, el se gaveva immerso vizin de Port Duglas a 75 Km a nord de Cairns, xe delle isole coralline dove i girava un documentario. Par che el ga visto el "stingray" che el devi esser stado abbastanza grande. Pero' vizin de lui se ga presentado due giganteschi pesci, i li ciama "Stone fish" (pesce piera), quindi la sua attenzion la xe ga rivolta verso sti due pesci, e el ga trascurado l`altro. Generalmente i stingray i xe docili, piuttosto i scampa via. Credo con un piede lo ga tocado, e meccanicamente come una susta el pese el ga girado la coda in alto e lo ga colpido sul petto. Lui ga avudo la forza de strappar fora el pungiglion prima de vegnir su. Subito i ga telefonado l`emergenza, dove pochi minuti piu' tardi rivava un elicottero con due paramedici. Ma ormai el iera morto. I ga zerca' de farghe la resurrezion artificial, ma no ga giovado. Steve el iera una persona assai conosuda e famosa. Il lo ciamava el cacciator de cocodrilli. Go visto dei documentari dove el se esibiva con i cocodrilli la nel suo Zoo che fazeva vegnir i sudori freddi. Giusto per dirte una. Te lo vedi nel film documentario: el iera in fianco de un cocodril de mar de quattro metri, che el iera fora sul pra. el xe andado pian vizin de lui e pian pian con una man el ghe ga coverto l`ocio dalla parte sua, e dopo el se ga sbasado el ghe ga da un baso sul muso. Va ben che probabilmente nol gaveva fame, ma quel scherzo credo che nissun gavaria azardado de farlo.Mi no per sicuro.Altra esibizion: el tegniva sollevado in alto per la coda un serpente de piu` de un metro e mezzo. Un "tiger snake" (serpente tigre) Se lo trova nel Victoria. Mio fio el gha sparado a uno, una volta che semo andai insieme a caccia de conigli. Ma xe meio starghe alla larga. El xe velenosissimo, el xe piu' potente del cobra.
Qua in Australia gavemo secondo un elenco che go letto 100 differenti tipi de serpenti. 16 de questi i xe assai velenosi, e circa altri 30 i xe velenosi ma non tanto. La rimanenza non i xe velenosi. Gavemo piu' verso el nord diversi pitoni, roba de 4-5 metri
capaci de divorar intiero un canguro. Qua dove stago qualche volta se ga visto un piton. I lo ciama "Carpet snake" (serpente tapedo) per via del color che el ga. El xe sui 2 - 2.5 de lunghezza. Generalmente i contadini i ghe piasi tegnirlo, perche' ge da la caccia alle pantigane. La prima volta, lo gavemo fatto fora, ma dopo lo gavemo lasado in pase, nol ne disturba.
Bon amici cari termino e ve saludo ringraziandove.
|
Nonno Elio |
|
|
|
Blaghers
Utente "BLAGHERS"
Regione: F., Venezia Giulia
Prov.: Alten Provinz
Cittą: Tergeste
2510 Messaggi |
Inserito il - 07/09/2006 : 10:51:04
|
Caro nonno Elio dopo el tuo ultimo post, me iera venudo un sospetto allora son andado su google e go digitado Steve Irvin e me xe venudo fora un bel sito, http://www.pbase.com/uli1/image/18191687 finalmente lo go visto in facia e devo dir che son rimasto sai sai mal in quando gavevo visto spesso su discovery channel i sui documentari, el me iera propio sai simpatico, ricordo che lui iera sai innamorado dei rettili e spesso el fazeva dele robe veramente incredibili con i cocodrilli e i serpenti e poi el iera sai simpatico de come el spiegava le robe. Me son insospettido sula persona quando te me ga contado el fato del cocodril. Iero convinto che sto mato che "conosevo" iera american visto che non i gaveva mai dito niente de lui o non iero stado attento.
I stone fish li go visti anche mi quando iero in Sudan ed Egitto e i xe molto pericolosi per via del velen, ovviamente no i xe agressivi ma el problema pił grando xe el fato che ti non te li vedi, i se meti in mezo ai corali o sul fondo e i par propio una piera e te se pol posar sora de lori senza acorzerte |
Se pensi di aver visto tutto nella vita e non sei mai salito su un Land, allora ne hai visto solo la metą !! |
|
|
|
Blaghers
Utente "BLAGHERS"
Regione: F., Venezia Giulia
Prov.: Alten Provinz
Cittą: Tergeste
2510 Messaggi |
Inserito il - 07/09/2006 : 10:54:31
|
| Vedemo comunque de continuar la discussion principale del forum,te son mai stado ad Ayers Rock ????? Contine qualche cosa de sto posto, magari qualche legenda !!!! Dei che qua semo tuti curiosi ! |
Se pensi di aver visto tutto nella vita e non sei mai salito su un Land, allora ne hai visto solo la metą !! |
|
|
|
nevio
Utente Nagana
Regione: Friuli-Venezia Giulia
Prov.: Trieste
Cittą: trieste
897 Messaggi |
Inserito il - 07/09/2006 : 10:58:33
|
| caro nono elio, grazie per le tue risposte "generose"che te ne da' spiegando ben le robe. si xe vero te ga ragion per la casa,la mia domanda iera vaga,perche' dipendi sempre dela zona,comunque me par che iprezzi xe comunque boni. mi son sta a trieste 4 setimane fa per veder la famiglia e go guarda' i prezi sul mercatino de trieste,che te lo trovi anche su internet se te vol darghe un' ociada,come te podera' constatar,i prezzi a trieste xe tremendi! e tuti i amici che go a trieste i fa fadiga a trovar no digo qualcosa de decente,ma almeno una roba bela che costi "relativamente" poco,mi oltre a far el cogo, 11 ani fa' go compra' una palazzina qua' a armentieres citta' grande come monfalcon, per far un' esempio,mi co la mia famiglia abito al piano tera dove go ampliado drio el giardin,cussi gavemo 120mq, e al 1mo e 2ndo pian go fato 3 apartamenti ghe go meso 5 ani per far tuti i lavori solo o con qualche amico, ma adeso la casa la xe piu' valutada e piu' interessante per mi e la mia famiglia.quando se xe lontani in un' paese straniero e ti te lo sa mejo de mi caro nono elio bisogna rimbocarse le manighe piu' dei altri per farse riconoser e eser rispetai, mi go voludo seguir l'esempio de mio papa'che no xe piu', partido in australia co suo cugin"che xe ancora zo"e due ani dopo co mia mama xe rivada zo la se ga trova' la casa pronta tuta bela bianca in legno,ancora ogi la guarda le foto con nostalgia,ciao a tuti e viva l'australia, nevio. |
chi pensa poco sbaglia tanto (leonardo da vinci) |
|
|
|
nonno Elio
Utente Bubez
Regione: Estero
Cittą: Melbourne
123 Messaggi |
Inserito il - 08/09/2006 : 11:31:35
|
Caro Nevio, Blagher e tutti i amici del forum.
Te ringazio Nevio de quel che te ga scritto. Infatti xe una grande verita, de saver quanto duro alle volte xe viver all`estero che no sempre le persone che ne circonda xe veramente amichevoli, specialmente nei primi anni dal nostro espatrio, quanti bocconi amari e lagrime in gola. Ma col tempo tante robe se ga sistemado.
Infatti esser a contatto l`un con l`altro per mezzo de sta scatola xe una grande roba che te conforta l`anima con gente nostra che capisi e considera che ancora te fa parte della comunita', alle volte purtroppo se trova gente che ste robe noi le sa e se ne frega, gente de spirito egoista solo per se stessi, questi xe meio schivarli.
Comunque almeno noi stemo vizini e consolemose a vicenda xe vero?
A Blagher che vol saver de Ayer Rock, che purtroppo no go podudo mai visitar questo grande monolitico, consiglio de riguardar sulla 2 pagina dove xe scritto "Un viaggio nel Nord dell`Australia 2a Parte"
e go descritto de Uluru (nome aborigeno attuale) dato che la Ayer Rock i ghe ga dado indrio come territorio sacro ai aborigeni.
Ma caro Blagher con le tue foto dove te me ga menzionado el famoso cap. Jacques Cousteau che lo go visto tante volte nei film documentari dei sui viaggi esplorativi, te me ga messo un pulise nell`orecia. Infatti iero andado a cior la mia pension, e me go fermado in un super mercato dove me xe capitado de trovar un disco DVD de un viaggio esplorativo de Cousteau alla ricerca dell`isola
Atlantis descritta dal storico greco Platone intorno all`anno 100 A.C
No se se xe verita' o el frutto de una leggenda. Comunque Cousteau el ga segna' su una carta geografica dei circoli de loghi nel Mediterraneo,e intorno l`Africa nelle isole Canarie e perfin el ga segna' l`isola de Pasqua che la xe a 1000 Km fora della costa del Peru' dove xe quelle famose statue giganti. Ma penso che Platone non conoseva gnente dell`Americae Cousteau se ga sbaglia'.
Comunque el xe andado nel mar Egeo e nel Mediteraneo dove xe l`isola Greca "Thera e Santorin" con un archeologo e altri scienziati. I ga mostrado un plastico dell`isola secondo come la iera 4000 anni fa ricavadi da disegni che i gaveva trovado, dove se vedi un vulcano alto. Par come una piria rivoltada con la base sotto. Causa la continua erosion dlla base infogada internamente. Un certo punto xe crollado tutto come se fossi stado un castel de carte. e una civilta' la xe completamente svanida. Sta isola Thera la xe in forma quasi circolar, par quasi come l`orlo della base de una piria. I xe andadi sotto con i scuba, e con un piccolo battiscafo rotondo, pareva un disco volante. Iera fantastico d veder sotto acqua el grande numero de anfore giare e altri lavori che i ga visto, e anche i ga tiradi su'dei campioni. Te ga qualche conosenza de ste isole?
Forsi un giorno te pensea' de andarghe a far una tua visita con el tuo potente veliero La Graft e el tuo armamento. Steme tutti ben, ve saludo.
Sentenza: "E facile piegare il corpo... non la volonta'."
"Non e' quanto abbiamo, ma quanto possiamo ricavare una gioia. Questo soltanto ci rende felici." |
Nonno Elio |
|
|
|
Discussione |
|
|
|
UNA FINESTRA NEL MONDO 
Discussione Bloccata
